癌症病人飲食如何是好？
我哋唔可以籠統咁講，癌症病人食乜，或者唔好食乜。我哋要分開狀態同埋個時期嚟判斷癌症嘅初期唔需要做電療化療，咁樣需要戒口嘅嘢係好少。只係做手術或者吃藥嘅，多休息、多飲水，唔好勞累就可以。記得食菜、食飯，食慾正常咁樣食，唔好過量或過少。日中要有少少嘅郁動。唔建議劇烈嘅運動。
癌症嘅中期，可能需要做化療或者電療，咁樣就要爭取身體比較紮實，同時要多啲喺食物營養或者係中藥方面輔助調理，但係唔建議食成藥或者係一啲綜合嘅維他命丸，以免干擾西醫嘅治療。中醫嘅治療最主要係鞏固腸胃減少傷陰、口乾嘅情況。食物主要可以協助患者睡眠質素改善同埋幫助機能恢復。
日常飲食原則：
- 蒸炆為主，減少勞累，要有足夠纖維，每餐必有菜蔬（生、熟）
- 增加原形食物，減少即食的製成品如香腸，即食麵
- 增加蛋白質，肉及植物蛋白質。
- 要增加進食次數，因為腸胃不佳或者休息躺下嘅時間太多會令腸胃減少蠕動，消化力下降。
- 睡前1小時喝或吃少量甜食或飲品如牛奶，可以幫助入睡，以及減少空腹胃酸反流的現象。
- 胸部以上的癌症如肺癌、胃癌、乳癌等要減少在廚房中煮食的時間。腹部或以下的癌症如肝、腸,腎都不要勞累，不要站立太久。
- 血癌骨癌係虛勞嘅病要氣血雙補。
湯水以蛋白質補充為主，手術後及化療間可食用。
戒口不要太過分執着，一般牛肉最好能較少，辛辣、香料也減少應用，尤其是發酵物品或豆豉之類不要在初期使用。其他菜蔬例如洋蔥蔥蒜大蔥也可配合煮餸調味。甜品甜食也是可以的不要執着。
這款黃精燉排骨湯，簡單易入口也沒有熟地滯膩，可以有很好補益作用。
多吃十字花菜蔬魚菜心西蘭花，椰菜花、白菜之類，火箭菜。但要小心處理農藥問題，浸和洗要30分鐘以上。
