點解唔好食花膠？

年尾又係送禮和吃補品的日子，很多人會選擇吃一些名貴的海味，例如花膠、海參、魚翅、燕窩之類。

但喺我臨床上見到啲病人嚟睇嘅問題都往往同進食呢啲補品有一定嘅關係，所以我想喺度講一下進食嘅準則。

第一燕窩，因為高蛋白嘅關係，對於身體消化唔好或者係腎病嘅病人，唔係太適合。另外就係因為佢極強嘅增生能力所以如果係癌症嘅病患者唔應該進食太多，第三就係如果本身已經有增生問題如結節或者肌瘤之類嘅狀況，燕窩有機會係令到增生更加嚴重，所以呢一點大家要注意。

第二海參，係屬於保虛嘅食物，一般來講如果係虛寒怕凍，身體虛弱嘅進食係比較適合一啲，海參有補腎同固本作用，平貴都有，所以相對嚟講就有機會食得比較多，所以呢一點大家要留意。

小補多滋味。此外就係當你進食呢啲高蛋白嘅食物嘅時候一定要連同一啲纖維或者係米飯喺同一餐裏便進食而取得營養嘅平衡。當然亦都唔建議喺春天嘅時間比較濕滯嘅情況之下去進食，所以大家當進食補品嘅時候，都要留意一下進食前後嘅身體嘅狀態，如果一旦發現有痱滋或者非常多嘅暗瘡、皮膚痕癢現象就唔應該再繼續食這些高蛋白嘅海味。海參由於有抗凝血作用，所以食緊薄血丸人士就要留意唔可食太多。

第三花膠，花膠嘅問題就比較複雜一啲因為價錢平到貴可以相差好遠。而我認為花膠係唔應該食太多，會適合上咗年紀嘅人去食補充蛋白質，又或者要補陰安眠，手術後復完的人，但要留意消化唔好嘅人要小食份量，因為佢有健胃作用，但亦都係比較難消化。

此外更要留意會增加雌激素。所以如果喺收經前後嘅女士進食，就要非常小心唔可以過量，同埋要視乎更年期的狀態。

第四魚翅喺食療嘅作用上會比前幾樣嘢較為輕近年亦都因為價錢比較貴，喺飲宴中比較少遇見，所以我哋偶然食少少亦都唔會有大影響，但對於環保方面去睇可以唔食就最好！