北極健走杖Nordic walk

最近睇電視知道東區醫院開始咗幾年教北極健走杖 Nordic walk。

其實早喺幾年前我已經非常推廣呢一個對於長者步行嘅運動,因為佢增加嘅心肺功能量係比單純行路或者係跑步更加好。

但係有幾點我想指出Nordic walk嘅行法其實唔係用手力，亦唔係用上肢嘅力，佢係幫助你盆骨、腰骨、同埋下肢嘅力量。

所以如果你冇一個正確嘅行法或者係自己唔知啱唔啱其實個作用不大。你可以作為一種輔助，亦都比用單支嘅拐杖安全。

我係一個滑雪嘅人當然明白呢個訓練嘅目的，因為就算滑雪亦都好多人係用錯咗發力點，所以會造成身體嘅損害。

練習上邊要注意幾點：

1. 揮桿唔可以用力；
2. 唔可以造成肩胛骨同上肢覺得疲倦，因為用錯力就會疲倦；
3. 要有節奏感同埋輕鬆；
4. 注意桿底嘅膠粒係要檢查用洩、而且選擇健走杖時候要考慮重量和長者身體嘅配合。

其實在北歐你唔容易見到人會用呢兩支健行杖，反而係日本行山嘅地方例如上高地或者台灣你會比較容易見到有人會使用。

所以如果年紀大，呢個亦都係一個好嘅方法去改進步行。