如何製作紅豆水及紅豆蓉

紅豆水嘅好處係利水、消腫同解毒，尤其是下焦的病。至於紅豆嘅選擇各取所好，我覺得中國嘅紅豆更比日本優勝。

紅豆水製作方法：
1.紅豆沖洗一下，然後用凍水喉水浸兩至四個鐘頭，最後倒去清水
2.用大概四杯水將紅豆倒落去個煲度開中細火煲大概15分鐘
3.將一片昆布沖洗一下，放埋落去啲紅豆水大概煲10分鐘
4.將昆布取出，然後將紅豆水倒出留返啲紅豆喺煲度
5.如果你覺得紅豆水比較偏鹹，可以加熱滾水去中和一下
初頭飲嘅時候係有啲難飲，加少許砂糖也是可接受的

紅豆蓉製法：
將淨返嘅紅豆倒入熱水兩杯
用小火慢慢煮30分鐘
熄火蓋上煲蓋等候1小時
再次用細火煲15分鐘，一邊攪動掃吓然後放入片糖，多少隨意。
等啲糖熔了再搞多幾下
如果唔夠甜嘅，加一包砂糖，令到個味會出啲
而家個紅豆已經比較稔，可以用個木殼嚟爛佢，一邊不停攪動至水份收縮。然後熄火，等佢喺個煲度收乾水份，若需一兩小時，等完全凍晒之後放入盒中保存，一般可放上兩至三天。

呢個做法係比較補陰同補血，可以夾麵包夾餅乾作為小食對於經期間要補血，或者日常纖維食得唔夠嘅人係一個好嘅選擇。至於食唔晒嘅時候，亦都可以將佢冷藏放喺冰格到再食嘅時候解凍，煮熱就可以了！

大家唔好相信乜糖比乜堂好糖，唔好用代糖就得啦！